Учинчи ракеткани мағлуб этган Сергей Фомин 1/2 финалда!

Мукофот жамғармаси 15 000 АҚШ долларини ташкил этувчи ушбу мусобақада ҳамюртимиз Сергей Фомин ҳам муваффақиятли одимлаяпти. Мамлакатимизнинг иккинчи ракеткаси илк босқичда туркиялик Мерт Оздемирни 7/6, 6/0, 1/8 финал баҳсида руминиялик Драгош Казакуни 6:2, 4/6, 6:3 ҳисобида доғда қолдирганди. 

Ҳамюртимиз ҳозиргина якунига етган 1/4 финал учрашувида ҳам чиройли ғалабани қўлга киритди. Турнирда еттинчи рақам остида таснифланган Фомин 107 дақиқа давом этган баҳсда мусобақанинг учинчи ракеткаси италиялик Александр Вейсдан ортиқча қийинчиликсиз устун келди - 6/3, 6/2. 

Таққослаш учун, Сергей Фомин айни пайтда ATP рейтингида 564, Александр Вейс эса 447-поғонадан жой олган. Эртага теннисчимиз финал чиптаси учун Анталия турнирининг иккинчи ракеткаси испаниялик Макс Гурри Алкалага қарши кортга чиқади.