24 май 08:12
Янгиликлар

Бокс/ММА

UFC 265 кечасининг марказий жанги маълум. Бизни реванш кутмоқда!

Оғир вазн тоифасида UFC'нинг амалдаги чемпиони Фрэнсис Нганну ҳамда дивизионнинг иккинчи рақамли жангчиси Деррик Льюис ўртасидаги баҳс 7 август кунида бўлиб ўтадиган UFC 265 мусобақасининг асосий воқеасига айланиши мумкин.

Бу ҳақида UFC президенти Дана Уайт ESPN телеканалига берган интервьюсида маълум қилди.

"Ҳа, ушбу тўқнашув кечанинг асосий воқеаси бўлиши мумкин. Биз ҳозир шу жанг устида ишлаяпмиз", - деди ташкилот раҳбари.

Эслатиб щтамиз, 27 март куни Лас-Вегасда бўлиб ўтган UFC 260 мусобақасида Фрэнсис Нганну Стип Миочични иккинчи раундда нокаутга учратиб, UFC'нинг оғир вазн тоифасидаги янги чемпионига айланганди. Деррик Льюис эса айни пайтда тўртта ғалабадан иборат серияга эга бўлиб турибди.