31 июл 10:08
Янгиликлар

Бокс/ММА

UFC 277. Камар учун кечган Co-main event жанги учинчи раундда тўхтатилди + ФОТО

Теглар : UFC 277

Хабар берганимиздек, АҚШнинг Даллас шаҳридаги "Американ Эйрлайнс-центр" стадионида UFC 277 турнири бўлиб ўтди.

Оқшомнинг сo-main event жанги энг енгил вазнда вақтинчалик чемпионлик камари учун кечди ва унда мексикалик 28 ёшли Брэндон Морено Янги Зеландия вакили, 29 ёшли Кай Кара-Франсга қарши октагонга кўтарилди.

Жанг учинчи рундда Моренонинг техник нокаутли ғалабаси билан якунланди. Бу уларнинг ўзаро ўтказган иккинчи жанги эди. 2019 йилнинг декабрь ойида ўтказилган UFC 245 турнири доираидаги илк тўқнашувда Морено очколар ҳисобига кўра зафар қучганди.

Ушбу вазнда бразилиялик 34 ёшли Дейвесон Фигередо чемпионлик камарини ўз қўлида сақлаб турибди. Айнан у шу йилнинг январь ойида Брендон Моренони мағлубиятга учратиб, ўз камарини қайтариб олган эди. Энди улар яна бир бор - тўртинчи маротаба октагонда юзма-юз келишади. Ҳозирча жангчиларда 1 тадан ғалаба ва дуранг бор.

Маълумот учун, бугун мексикалик жангчи фаолитидаги 20-ғалабасини қўлга киритди. Мағлубиятлари сони 7 талигича қолди. Кай Кара эса бугун тўққизинчи мағлубиятини қабул қилиб олди. Ғалабалари сони 20 тани ташкил қилмоқда.