UFC 277. Нокаутчини биринчи раундда техник нокаутга учратишди + ФОТО

Ҳозиргина асосий карднинг учинчи жанги ҳам биринчи раунднинг ўзида якунига етди. Супероғир вазн тоифасида кечган жангда россиялик 30 ёшли Сергей Павлович америкалик 37 ёшли тажрибали Деррик Льюисга қарши октагонга кўтарилди.

Жанг олдидан Деррикнинг ғалабага бўлган имкониятлари юқорироқ баҳоланаётган эди. Айнан у нокаутлар сони бўйича UFC рекордчиси эди. 27 та жангдан 21 тасида рақибларини муддатидан аввал мағлубиятга учратганди. Бугун эса у биринчи раундда техник нокаутга учратилди. 

Рефери Павловичнинг кетма-кет кучли зарбаларидан сўнг жангни тўхтатди. Бу эса Деррикнинг эътирозига сабаб бўлди. У ҳали жангни жавом эттира олишини билдирди. Лекин рефери фикрини ўзгартирмади. Сергей кетма-кет тўртинчи техник нокаутли ғалабасини қўлга киритди ва янгиланган рейтингда ТОП-10`да дебют қилади.