05 апр 07:53
Янгиликлар

Бокс/ММА

UFC 327 турнири Темиров вазнидаги чемпионлик жангидан маҳрум бўлди

11 апрель куни АҚШнинг Майами шаҳрида ўтказилиши керак бўлган UFC 327 турнирининг иккинчи муҳим жанги бошқа муддатга кўчирилди.

Бунга энг енгил вазн тоифасида амалдаги UFC чемпиони Жошуа Ваннинг олган жароҳати сабаб бўлди. У келаси ҳафта шу куни япониялик даъвогар Тацуро Тайрага қарши жагда ўз камарини ҳимоя қилиши керак эди.

Ташкилот вакили Лас-Вегасдаги UFC Fight Night 272 турнири трансляцияси вақтида чемпионлик жанги қолдирилганини расман эълон қилди. Рамазон Темиров вазнидаги ушбу чемпионлик жанги худди шу мақомда UFC 328 турнири кардига кўчирилди ва 9 май куни Ньюаркда бўлиб ўтади.

Мьянма вакили бўлган Жошуа Ван ўтган йилнинг декабрь ойида бразилиялик Александра Пантожага қарши жангда омад туфайли чемпионлик камарини қўлга киритганди. Ўшанда Пантожа жанг аввалидаёқ ноқулай йиқилиши натижасида қўлидан жароҳат олган ва жанг тўхтатилиб, техник ғалаба Ванга тақдим этилганди. Япониялик Тацуро Тайра айнан ўша турнирда мексикалик Брендон Моренони иккинчи раундда техник нокаутга учратиб, чемпионлик камари учун даъвогарга айланганди.