UFC чемпиони Жон Жонс чемпионлик камаридан воз кечди

Бу ҳақида у Твиттер саҳифасида хабар берди. Жонс бу қарорини шундай  изоҳлади. 

"Ҳозиргина UFC промоушени билан музокарани якунладим. Бугун расман ярим оғир вазндаги чемпионлик камаримдан воз кечганимни эълон қиламан. Энди камар расман эгасиз. Чемпионлик йўлидаги ажойиб йўлни босиб ўтдим. Барча рақибларим, UFC ва энг муҳими, мухлисларга миннатдорчилик билдираман. 

UFC билан мулоқот чоғида гонорарим мавзуси кўтарилмади. Агар қачонлардир вазият ижобий томонга ўзгарса, мен бажонидил қайтаман ва оғир вазн тоифасида ўз жангларимни ўтказаман. Ҳозирча UFC жангларидан оддий мухлис сифатида роҳатланмоқчиман, асосий вақтимни эса оила аъзоларимга сарфламоқчиман.

Шунингдек, UFC раҳбарияти билан оғир вазн тоифасидаги иштироким мавзусида ҳам суҳбатлашдик. Бу борада ижобий янгилик бор. Кейинги жангим аниқ ярим оғир вазнда ўтказилмайди. Мен оғир вазн тоифаси учун вазн тўплашни бошладим. 

Шу ўринда ярим оғир вазндаги жангчилар учун мотивацион янгилик ҳам бор. Ким кетма-кет олти марта чемпионлик камарини ҳимоя қилиб, менинг рекордимни янгиласа, ўша жангчига 100 000 доллар тақдим этаман", - деди Жонс.