UFC Макгрегор - Чендлер жангига захира излаяпти

Аммо ташкилотчилар томонидан ушбу тадбир бекор қилинди. UFC босслари матбуот анжуманининг бекор қилинишига нима сабаб бўлганини айтишмаяпти. Бу эса одамларда турли гумон ҳамда тахминларни келтириб чиқармоқда. 

Таниқли спорт шарҳловчиси Ариэль Хельванининг айтишича, UFC айни пайтда Макгрегор - Чендлер тўқнашувига захира жанги излашни бошлаган. Ушбу жанг 29 июнь куни Лас-Вегас шаҳрида бўлиб ўтадиган UFC 303 турнирининг марказий жанги ҳисобланади. 

"Ҳозирча аниқ маълумотлар йўқ. Жанг ўз кучида қолишига умид бор. Лекин мендаги хабарларга қараганда, ташкилотчилар захира жанги излашни бошлашган. Тез орада бу ҳақда янгилик эшитиб қоламиз", - деди журналист.

Макгрегор - Чендлер жангининг бекор бўлишига яна бир сигналлардан бири шундаки, ESPN+ пуллик трансляциясида сотувлар тўхтаган. UFC Youtube каналида Конорнинг Эдди Альварес ва Нейт Диасга қарши ўтказган жанглари ўчириб юборилган.

UFC шарҳловчиси, икки вазнда собиқ ташкилот чемпиони Даниэль Кормье ҳам жангнинг бекор бўлиш эҳтимоли юқори эканини айтган. Матбуот анжуманининг бекор бўлиши ва бунга изоҳ берилмаётгани шубҳалар асосга эканига ишора қилмоқда.