UFC президенти Федор Емельяненконинг шартнома ҳақидаги гапларига жавоб берди

"Бир неча ҳафта олдин Федор мен ҳақимда гапирганини кўрдим - барчаси пулга боғлиқ. Биринчидан, мен Федорни шахсан танимайман, у ҳам мени танимайди. Биз у билан фақат бир марта учрашдик ва ўшанда у пул топиши керак эди. Агар у пулга ишонганида эди, у 45 ёшида жанг қилмас эди.

Мен унга шартнома таклиф қилдим ва ишончим комилки, бу уни ҳамон тунда ётоқда ётганида ҳам таъқиб қилмоқда. Биз у билан келишиб олишга ҳаракат қилдик, лекин Федор мени ёқтирмайди ва ҳозир шартнома имзолашнинг иложи йўқ деб ўйлайман", - деди Уайт Абу-Дабидаги матбуот анжуманида.