UFC собиқ жангчиси Би Жей Пенн бу йил ҳисобидан бешинчи марта Гавайида ҳибсга олинди

Гавайи ҳуқуқ-тартибот идоралари 46 ёшли собиқ атлет Хило шаҳрида онаси томонидан эълон қилинган эҳтиёт чорасини бузгани учун ҳибсга олинганини тасдиқлади.

Полиция маълумотларига кўра, воқеа 15 сентябрь, душанба куни маҳаллий вақт билан 16:00 атрофида содир бўлган. Пенн суд қарори билан унга кириши тақиқланган ҳудудга кирган. Патруль хизмати ходимлари уни қўлга олишган. Эртаси куни унга нисбатан эҳтиёт чорасини бузганликда расман айблов эълон қилинди. Гаров пули 2000 доллар қилиб белгиланган.

Бу UFC собиқ чемпионининг 2025 йил ҳисобидан бешинчи ҳибсга олиниши.