UFC Vegas 76 турнирининг илк жангида Александр Романов ишончли ғалабага эришди

Мусобақанинг прелим кардидан ўрин олган илк жанг якунланди. Унда оғир вазн тоифаси вакиллари - ўн тўртинчи ўриндаги молдовалик Александр Романов ҳамда ўн бешинчи поғонадаги болгариялик Благой Иванов тўқнаш келди. 3 раундга мўлжалланган жанг тўлиқ давом этди ва унда Александр Романов ҳакамларнинг якдил қарори билан 30:27, 30:27, 30:27 ҳисобларида ғалаба қозонди.

Бу Романов учун кетма-кет иккита мағлубиятдан сўнг қўлга киритилган ғалаба бўлди. Унинг рақиби Благой Иванов эса кетма-кет иккинчи мағлубиятини қабул қилиб олди.