29 дек 07:52
Янгиликлар

Бокс/ММА

UFCдаги илк жангчимиз Тошкентга қайтди ФОТОГАЛЕРЕЯ

Ўзбекистонлик илк UFC жангчиси Маҳмуд Мурадов Чехиянинг Прага шаҳридан Тошкентга қайтиб келди.

Бугун тонг саҳарда ҳамюртимиз Ислом Каримов номидаги Тошкент халқаро аэропортида тантанали равишда кутиб олинди. Мурадов бир неча кун аввал АҚШнинг Вашингтон шаҳрида UFC on ESPN турнири доирасида америкалик Тревор Смитни 3-раундда нокаутга учратган эди.

Маҳмуд Мурадов Янги йилни ўзи туғилиб ўсган Бухорода кутиб олганидан сўнг яна Чехияга қайтади ва навбатдаги жангига тайёргарликни бошлайди. Мурадов катта эҳтимол билан учинчи жангини UFC рейтингида ТОП-15 рўйхатидан олган спортчига қарши ўтказади.