06 дек 12:37
Янгиликлар

Бокс/ММА

UFC`дан ҳайдалган Кевин Ли Bellator`га ўтадими? Президент саволга жавоб берди

UFC промоушени раҳбарлари енгил вазн тоифасида чемпионлик камарига собиқ даъвогар Кевин Ли билан шартномани бекор қилганди.

Шундан сўнг Ли ўзига бир нечта промоушенлардан аниқ таклифлар бўлаётганини маълум қилганди. Улар орасида Bellator ҳам айтилган эди. Лекин Bellator президенти Скотт Кокернинг фикри тамомила бошқача.

"Ҳозир бизда бўш ўринлар деярли йўқ. Промоушендаги жангчилар кўрсатаётган натижалардан кўнглимиз тўқ", - дея Bellator 272 турниридан кейинги матбуот анжуманида саволга жавоб берган Кокер.

Эслатиб ўтамиз, 29 ёшли Кевин Ли 2014 йилдан то шу кунгача UFC промоушенида фаолият юритган. У ташкилот байроғи остида 11 ғалаба, 7 мағлубият қайд этган. Охирги 5 та жангидан 4 тасида мағлубият аламини тотиб кўрган эди. Аввалроқ америкаликни Хабиб Нурмагомедовга тегишли Eagle FC лигаси ўз сафига қўшиб олиши мумкинлиги ҳақидаги хабар ҳам чиққанди.