02 июл 08:52
Янгиликлар

Теннис

Уимблдон. 15 ёшли қиз 39 ёшли Уильямсни мағлуб этди

Лондон шаҳрида “Катта Дубулға” туркумига кирувчи Уимблдон турнири давом этмоқда.

Мусобақанинг асосий тўрига саралаш баҳслари орқали етиб келган ва Уимблдон рекордини ўрнатган америкалик 15 ёшли Кори Гауфф шов-шувли юришини давом эттирди. Бу сафар у номдор юртдоши 39 ёшли Винус Уильямсни мусобақадан чиқариб юборди.

Гауфф ўзидан 24 ёшга катта Уильямсларнинг тўнғичини икки сетда ҳам бир хил 6:4 ҳисобида мағлуб этди. Энди Кори иккинчи давра учрашувида словакиялик Магдалена Рибариковага қарши кортга чиқади. Бу баҳс эртага бўлиб ўтади.