Уимблдон. 16 ёшли Андреева 1/8 финалда кортга чиқди

Россиялик 16 ёшли теннисчи тўртинчи давра учрашувида дунёнинг 18-ракеткаси, америкалик Мэдисон Кизга қарши кортга чиқди. Икки соату 5 дақиқа давом этган баҳсда Мирра тажрибали рақибасига 6/3, 6/7(4), 2/6 ҳисобида имкониятни бой бериб, мусобақадаги иштирокини якунлади. 

Бу теннисчиларнинг ўзаро илк учрашуви эди. Киз 3 та эйс қайд этиб, 3 та қўшхатога йўл қўйди. Иккала теннисчи ҳам 4 та брейкни амалга оширган. Энди Мэдисон The Championships 1/4 финалида беларуслик Арина Соболенкога қарши баҳс олиб боради.