Уимблдон. Алькараснинг ғалабали серияси 24 тага етди ва у финалда!

Биринчи ярим финал жуфтлигида дунёнинг иккинчи ракеткаси Карлос Алькарас рейтингнинг бешинчи поғонасида бораётган америкалик Тэйлор Фрицни тўрт сет натижасига кўра мағлубиятга учратди - 6/4, 5/7, 6/3, 7/6(6). Бу теннисчиларнинг ўзаро ўтказган учинчи учрашуви бўлди - 3:0. 

Икки соату 51 дақиқа давом этган баҳсда Алькарас 13, Фриц 19 та эйс зарбасини амалга оширган. Карлоснинг ғалабали серияси 24 та учрашувга етди. У қаторига учинчи йил ҳам Уимблдон турнири бош соврини учун кортга чиқади. Алькараснинг "Уимблдон"даги ғалабали серияси 20 та учрашувни ташкил қилмоқда.