07 июл 17:45
Янгиликлар

Теннис

Уимблдон. Елена Рибакина Возняцкини "сочиб" ташлади

Дунёнинг тўртинчи ракеткаси Елена Рибакина Уимблдон турнирининг 1/8 финал иштирокчисига айланди.

Қозоғистонлик теннис маликаси учинчи даврада WTA рейтингида 91-поғонада бораётган даниялик Каролин Возняцкига ҳеч қандай имконият қолдирмади - 6/0, 6/1. Бу теннисчиларнинг ўзаро ўтказган илк учрашуви эди.

Икки дақиқаси кам бир соат давом этган баҳсда Рибакина 9 та эйс, 5 та брейк қайд этиб, 4 та қўшхатога йўл қўйди. Энди Елена 1/8 финалда россиялик Анна Калинскаяга қарши кортга чиқади.