Уиттакерни нокаут қилмоқчи бўлаётган Кайо Борральо навбатдаги рақиби аниқ бўлганлигини айтди

Бу ҳақда у AG Fight нашрига берган интервьюсида маълум қилди:

"Ҳа, жанг бор, сана бор, рақиб ҳам аниқ. Аммо ҳозирча ҳеч нарса ошкор қила олмайман. Айтишим мумкин бўлган барча маълумот — шу", — деди Борральо.

Бу баёнот унинг собиқ чемпион Роберт Уиттакерга қарши чақирувидан бир ҳафта ўтгач янгради. У Уиттакерни нокаут қилишга ваъда берганди.

32 ёшли Борральо UFCда ҳали мағлубиятга учрамаган — у бу ташкилотда 7 та жанг ўтказиб, ҳаммасида ғалаба қозонган. У охирги жангини 2024 йил августда Жаред Каннониерга қарши ўтказиб, беш раундлик тўлиқ жангда ҳакамлар қарор билан ғалаба қозонган эди.

2022 йилда эса у ҳамюртимиз Маҳмуд Мурадовни очколар эвазига мағлуб этганди.