Умар Кремлёв Тошкентда Баҳодир, Муроджон ва ёш боксчиларимиз билан очиқ машғулот ўтказди + ФОТО

У юртимизга ташрифи давомида матбуот анжуманида қатнашди, бир неча ТВ каналларга интервью берди, шунингдек кеча "Ҳумо Арена"даги бокс оқшомини томоша қилди. 

У пойтахтимиздаги "Бефит Про" спорт мажмуасида очиқ машғулотда қатнашди.

Ушбу очиқ машғулот давомида AIBA раҳбари ёш боксчиларимиз билан ҳам мулоқот қилди ва уларга омад тилади. Очиқ машғулотларда у боксчимиз Баҳодир Жалолов билан бирга ишлади. Терма жамоамиз мураббийлари эса машғулот иштирокчиларига кўрсатма бериб туришди.

Тадбир якунида боксчиларимизга махсус бокс қўлқоплари совға қилинди.

Ўзбекистон бокс федерацияси матбуот хизмати