"Уни қулатиши мумкин". Порье Макгрегор — Холлоуэй жанги ҳақида фикр билдирди

Ушбу жанг 11 июль куни UFC 329 доирасида Лас-Вегасда бўлиб ўтади.

"Конорда ҳали ҳам кучли зарба бор. Қандай жароҳати бўлишидан қатъи назар, зарба кучи сақланиб қолади. Албатта, тайминг ва бошқа омиллар ҳам муҳим, лекин унинг зарба салоҳияти йўқолмаган. Бу ҳақиқий жангга айланади.

Чарльз Оливейра Холлоуэйни босим остида қолдиришга муваффақ бўлди ва бу мени ҳайратга солди, чунки Максни назорат қилиш жуда қийин. Конор у билан 25 дақиқа давомида кикбоксинг услубида жанг қилади. Унинг битта аниқ зарба билан ҳаммасини ҳал қилиш имконияти бор.

Макс ҳар доим катта ҳажмда зарба беради, аммо 55 кг вазнда мен у билан сўнгги марта жанг қилганимда ҳам унда кучли зарбалар бор эди. 170 фунтда эса у янада кучлироқ уради деб ўйлайман, чунки Макс ҳозир рақибга жиддий зарар етказа олади. У энди шунчаки “катта ҳажмли” боксчи эмас — жангни якунлай олади.

Яна бир нарса ҳақида доим ўйлайман: Макс сўнгги уч жангда бутун олдинги фаолиятидагидан кўпроқ нокдаунга учради. Жастин Гэтжи, Илия Топурия ва мен ҳам уни нокдаунга туширганман. Агар унинг жағи услуби сабаб энди чидамсизланаётган бўлса, Конор уни қулатиши мумкин", — деди Порье MMA Junkie’га берган интервьюсида.