06 сен 11:58
Янгиликлар

Теннис

US Open 1/2 финалида кутилмаган теннисчи

Теглар : US Open Фрэнсис Тиафо Бен Шелтон

Нью-Йорк шаҳри мезбонлик қилаётган "Катта Дубулға" туркумига кирувчи АҚШ Очиқ чемпионати кутилмаган натижаларга бой бўлмоқда.

Эркаклар ўртасидаги мусобақада дунёнинг ўнинчи ракеткаси, америкалик Фрэнсис Тиафо ATP рейтингида 47-поғонадан жой олган ватандоши Бен Шелтонга 2/6, 6/3, 6/7(7), 2/6 ҳисобларида ютқазиб қўйди. Бу теннисчиларнинг ўзаро ўтказган илк учрашуви эди.

Учрашув статистикаси:

Эйслар: Тиафо 7, Шелтон 14

Қўшхатолар: Тиафо 4, Шелтон 11

Брейклар: Тиафо 4, Шелтон 7.

Бен Шелтон фаолиятида илк бор "Катта Дубулға" турнири 1/2 финалига етиб келди. Энди у US Open финал чиптаси учун дунёнинг иккинчи ракеткаси, сербиялик афсона Новак Жоковичга қарши кортга чиқади. Натижадан қатъий назар у янгиланган рейтингда Топ-20`таликда дебют қилади.