28 авг 13:00
Янгиликлар

Теннис

US Open. 15 ёшли Кори Гофф ғалаба билан бошлади

АҚШнинг Нью-Йорк шаҳрида “Катта Дубулға” туркумига кирувчи US Open турнири давом этмоқда.

Мавсум кашфиётларидан бири, америкалик 15 ёшли Кори Гофф мусобақадаги юришини ғалаба билан бошлади. WTA рейтингида 140-поғонадан жой олиб турган Гофф илк даврада россиялик Анастасия Потаповага қарши кортга чиқди.

Кори 121 дақиқа давом этган учрашувда дунёнинг 72-ракеткасини 3/6, 6/2, 6/4 ҳисобида енгди. Бу теннисчиларнинг ўзаро илк учашуви эди. Энди Кори Гофф АҚШ Очиқ чемпионатининг иккинчи босқичида венгриялик Тимеа Бабошга қарши баҳс олиб боради.