US Open. Амалдаги чемпион Элина Свитолинани таслим этди

Мусобақанинг амалдаги чемпиони Коко Гофф учинчи даврада WTA рейтингида 28-ўринни эгаллаб турган украиналик Элина Свитолинани уч сет натижасига кўра мағлубиятга учратди - 3/6, 6/3, 6/3. Дунёнинг учинчи ракеткаси теннисчиларнинг ўзаро учрашувлари ҳисобида олдинга чиқиб олди - 2:1. 

Икки соату тўрт дақиқа давом этган баҳсда иккала теннисчи ҳам 2 тадан эйс зарбасини амалга оширди. Қўшхатолар Элинада кўпроқ бўлди - 6 га 4. Брейклар бўйича устунлик эса Гофф томонида бўлди - 4 га 2!