01 сен 15:06
Янгиликлар

Теннис

US Open. Дунёнинг биринчи ракеткаси 15 ёшли Гоффни тўхтатди

АҚШнинг Нью-Йорк шаҳрида теннис бўйича “Катта Дубулға” туркумига кирувчи US Open турнири давом этмоқда.

Мусобақанинг учинчи даврасида япониялик Наоми Осака мавсум кашфиёти ҳисобланган америкалик 15 ёшли Кори Гоффни тўхтатиб қолди. Сайёрамизнинг биринчи рақамли теннис маликаси Гоффга 3 та гейм берди, холос.

Бир соату 5 дақиқа давом этган баҳсда Осака рақибасини 6:3, 6:0 ҳисобида таслим этди. Бу теннисчиларнинг ўзаро илк учрашуви эди. 21 ёшли Наоми 1/8 финалда швейцариялик Белинда Бенчичга қарши кортга чиқади.