30 авг 11:54
Янгиликлар

Теннис

US Open. Остапенко иккинчи даврада 100 дақиқалик учрашув ўтказди

Дунёнинг 77-ракеткаси Елена Остапенко АҚШ Очиқ чемпионатининг учинчи босқичига йўл олди.

Латвиялик теннис маликаси иккинчи давра учашувида америкалик Элисон Рискега қарши кортга чиқди. Остапенко роппа-роса 100 дақиқа давом этган баҳс якунида рейтингнинг 36-поғонасидан жой олган рақибасини 6/4, 6/3 ҳисобида таслим этди.

Бу теннисчиларнинг ўзаро илк учрашуви эди. Энди 22 ёшли Елена US Open турнирининг учинчи даврасида россиялик Анна Калинская ёки америкалик Кристи Анга қарши баҳс олиб боради.