10 июл 16:03
Янгиликлар

Бокс/ММА

USADA россиялик UFC жангчисини икки йилга четлатди

USADA антидопинг агентлиги россиялик UFC жангчиси Иван Штирковни икки йилга дисквалификация қилди, деб хабар бермоқда MMA Fighting.

Ўтган ҳафта Штирков икки томоннинг ўзаро розилиги билан UFC билан ҳамкорликни тўхтатган эди. Бунга Штирковнинг қон таркибида тақиқланган модда борлиги аниқлангани сабаб бўлганди.

USADA ташкилоти россиялик спортчини икки йилга жангларда иштирок этишдан четлатди. Иваннинг қон таркибида болденон моддаси аниқланган. Энди Штирков Япониянинг RIZIN промоушенида ўз жангларини ўтказади. USADA қўллаган жазо RIZINга таъсир қилмайди.