Усик ниманинг ҳисобига жаҳон чемпиони бўлганини очиқлади

Мағлубият ва муроса нималигини билмай келаётган украиналик 38 ёшли Александр Усик ҳаётда ҳеч нарса осонликча келмаслигини урғуламоқда.

"Ҳаётда ҳеч нарса осонликча келмайди. Болалигимдан интизом, сабр-тоқат ва фидойилик тамойилларига амал қилдим. Бу қадриятлар мени шакллантирди ва ҳамон қийин дамларда қўллаб-қувватлашда давом этмоқда. Интизом менинг илҳом манбаим, олдинга интилишим учун туртки ва синовли дақиқаларда таянчимдир. Унинг шарофати билан катта ютуқларга эришдим: Олимпиада олтин медалини қўлга киритдим, проф бокснинг икки вазн тоифасида мутлақ жаҳон чемпиони бўлдим.

Аммо мен ҳеч қачон ёлғиз жанг қилмайман. Ҳар сафар рингга чиққанимда, менга ишонган одамлар мени қўллаб-қувватлайди. Бу камарлар шунчаки темир ёки чарм бўлаклари эмас. Улар кўп йиллик меҳнат, фидойилик ва интизом натижасидир. Ҳар бир тонг, ҳар бир раунд, ҳар бир шубҳали лаҳза - буларнинг барчаси мени уларни забт этишга олиб келди", - деб ёзди Усик ўзининг телеграм-каналида.