Валентина Шевченко Ронда Роузига Жо Роган масаласида эътироз билдирди

Қирғизистонлик аралаш яккакураш устаси Ронда Роузининг Жо Роган ўзи жанг қилмаган ва мухлисликдан бошқа нарса эмас, деган фикрига мутлақо қўшилмайди.

"Мен Жо Роганни жанг санъатлари бўйича катта мутахассис, олижаноб инсон, спортчи ва ёшлар учун яхши ўрнак деб биламан!", - деб ёзди Шевченко ижтимоий тармоқда собиқ UFC чемпионининг интервьюсидан парчани эълон қилиб.

Роузи комик Берт Крайшерга берган интервьюсида Роганнинг фикрини ҳурмат қилмаслиги, шарҳловчи ёшлигида жиддий шуғулланган таэквондони ҳақиқий яккакураш деб ҳисобламаслигини билдирганди.

Эслатиб ўтамиз, UFC’нинг аёллар ўртасидаги P4P рейтингида етакчилик қилаётган Валентина Шевченко 15 ноябрь куни Нью-Йоркда бўлиб ўтадиган UFC 322 турнирида хитойлик Вейли Чжанга қарши октагонга чиқади.