Вержил Ортис - Эриксон Любин: UFC`даги нокаутлар боксда ҳам давом этди

АҚШнинг Техас штати Форт-Уэрт шаҳридаги "Dickies Arena"да ўтган профессионал бокс турнирининг асосий жанги бироз кутилмаганда муддатидан аввал якунига етди. Любин Ортисга қарши жанг учун IBF камари учун рингга чиқишдан воз кечганди. Иккинчи раундда Вержил ўнг қўлда берилган кучли зарбалар эвазига Любинни мувозанатдан чиқарди. Рефери бу вазиятда жангни тўхтатишга қарор қилди. 

Бундан аввалги жангида ҳамюртимиз Исроил Мадримовни 12 раунд якунларига кўра очколар ҳисоби бўйича ғалаба қозонган америкалик 27 ёшли Ортис айни пайтда биринчи ўрта вазн тоифаси The Ring рейтингида биринчи ўринни эгаллаб турибди. У рейтингда ўз вазнидаги қолган барча йўналиш чемпионларини ортда қолдирган. 

Бугунги жанг якунланганидан кейин ушбу вазнда вақтинчалик WBA чемпиони Жейрон Эннис рингга кўтарилиб, келаси йили Ортис билан жанг қилишга рози эканини билдирди. 

Бугунги бокс оқшомининг аҳамияти жиҳатидан иккинчи жанги кутилмаганда дуранг натижа билан якунланди. Иккинчи ўрта вазн вакиллари Дариуш Фулджам ва Дэвид Стивенс 10 раунд давомида тенг жанг намойиш этишди. Ҳакамлар жанг якунида 95-95, 95-95, 96-94 ҳисобини қайд этишди. Иккала боксчи ҳам аввалги жангларида ҳамюртимиз Бектемир Мелиқўзиевга ютқазганди.