Вероника Кудерметова учинчи ракеткани мағлуб этди

Кутилмаганда дунёнинг учинчи ракеткаси, америкалик Жессика Пегула 1/4 финалда WTA рейтингида 13-поғонада бораётган россиялик Вероника Кудерметовага 4/6, 6/0, 4/6 ҳисобларида имкониятни бой бериб қўйди.

Бу теннисчиларнинг ўзаро ўтказган илк расмий учрашуви бўлди. Икки соату бир дақиқа давом этган баҳсда иккала теннисчи ҳам 4 тадан эйс зарбасини амалга оширган. Энди Вероника Mutua Madrid Open турнирининг 1/2 финалида дунёнинг биринчи ракеткаси, польшалик Ига Свёнтекка қарши кортга чиқади.