27 фев 16:48
Янгиликлар

Теннис

Виктория Азаренко иккинчи ракеткани мағлуб этди

Беларуслик теннисчи Виктория Азаренко Мексиканинг Акапулько шаҳри мезбонлик қилаётган турнирнинг иккинчи даврасига чиқди.

Азаренко биринчи босқичда америкалик Даниэль Коллинздан устун келди. Коллинз турнирнинг иккинчи ракеткаси сифатида қайд этилган эди. Виктория эса дунё рейтингида роппа-роса 50-поғонадан жой олган.

Беларуслик теннисчи 1 соату 11 дақиқа давом этган учрашувда кучли рақибасига деярли имконият қолдирмади - 6/1, 6/2. Энди 29 ёшли Виктория Abierto Mexicano TELCEL турнирининг 1/4 финалига чиқиш учун германиялик Татьяна Марияга қарши баҳс олиб боради.