14 мар 15:52
Янгиликлар

Бокс/ММА, Теннис

Витор Белфорт: Рой Жонс билан жангим Али - Форман жанги каби тарихий аҳамиятга эга бўлади

Аралаш қоидалар йўналишида ONE Championsip жангчиси Витор Белфорт бокс бўйича бир нечта вазнда собиқ жаҳон чемпиони Рой Жонсга қарши ўтказиладиган жанг хусусида фикр билдирди.

Аввал хабар берганимиздек, бу спортчилар ўртасидаги жанг бокс қоидалари асосида ўтказилади.

“ONE билан амалдаги шартномамдан хурсандман. Айни пайтда биз Рой Жонс билан музокара олиб боряпмиз. Биз бокс ва ММА вакиллари иштирокидаги энг катта жангни ташкил қиламиз. Бу жанг Флойд Мейвезер ва Конор Макгрегор ўртасидаги циркка умуман ўхшамайди.

Рой - афсонавий боксчи! Бунга ҳеч кимнинг шубҳаси йўқ. Мен бу жангни Жорж Форман ва Муҳаммад Али ўртасидаги тарихий жангга қиёслаган бўлардим”, - дея Белфортнинг сўзларидан иқтибос келтирмоқда MMA Mania.