12 ноя 13:40
Янгиликлар

Теннис

Возняцки октябрь ойининг энг яхши теннисчиси бўлди

Халқаро хотин-қиз теннисчилар ассоциацияси (WTA) октябрь ойининг энг яхши теннисчисини аниқлаш мақсадида сўров ўтказди.

Сўровнома анъанага кўра WTA расмий сайтида мухлислар ўртасида ўтказилиб, якунда Каролин Возняцки 64 фоиз овоз билан ғолибликни қўлга киритди. Даниялик теннис маликаси Сингапурда ўтган Якуний турнирда бош мукофот соҳибасига айланганди.

2017 йилни дунёнинг биринчи ракеткаси сифатида якунлайдиган руминиялик Симона Халеп 23 фоиз овоз билан иккинчи ўринни эгаллади. Америкалик Винус Уильямс эса 13 фоиз овоз билан кучли учликка якун ясади.