17 май 08:11
Янгиликлар

Бокс/ММА

WBC рейтинги. ТОП-15да биргина Қудратилло, 7 нафар боксчимиз ўз вазнида кучли 40 боксчи орасида + ПОСТЕР

Теглар : Рейтинг WBC

Бутунжаҳон бокс уюшмаси (WBC) май ойи учун боксчиларнинг янгиланган рейтингини эълон қилди.

WBC бошқа ташкилотлардан фарқли равишда кучли 15 боксчини эмас, 40 нафар чарм қўлқоп устаси рейтингини эълон қилади. 14 май куни эълон қилинган рейтингдан 8 нафар ўзбекистонлик боксчи ўрин олган.

Биринчи ўта енгил вазн тоифасида (-48,9) Ҳасанбой Дўсматов 20-поғонада қайд этилган.

Биринчи ярим ўрта вазн тоифасида (-63,50 кг) икки вакилимиз WBC рейтингида ТОП-40дан жой олган. Шоҳжаҳон Эргашев WBC рейтингида 21-поғонадан жой олган. Яна бир чарм қўлқоп устамиз Шаҳрам Ғиёсов эса 28-ўринга жойлашган.

Яримўрта вазн тоифасида (-66,67 кг) Қудратилло Абдуқаҳҳоров 8-поғонани банд этган.

Биринчи ўрта вазн тоифасида (-69,8 кг) Исроил Мадримов янгилаган рейтингнинг 18-ўрнига кўтарилган. Ушбу вазнда WBC Youth камарини қўлга киритган Равшан Маҳаммаджонов 40-ўринда қайд этилган.

Иккинчи ўрта вазн тоифасидаги Азизбек Абдуғофуров (-76,2 кг) 26-ўринга тушиб кетган. Мазкур вазнда шунингдек WBA Americas камари соҳиби Бектемир Мелиқўзиев 33-ўринни эгаллаб турибди.