08 ноя 07:45
Янгиликлар

Бокс/ММА

WBC Тайсон — Жонс жанги учун махсус камар ҳозирлади + ФОТО

WBC раҳбарияти икки афсонавий боксчиларнинг кўргазмали жанги учун тайёргарликни давом эттирмоқда.

Бўлажак жангда супероғир вазн тоифасида собиқ мутлақ жаҳон чемпиони Майк Тайсон ҳамда бешта вазнда собиқ жаҳон чемпиони Рой Жонс ўзаро рингда тўқнаш келади.

WBC жанг ғолиби учун махсус камар ҳозирлаб қўйди. Ташкилот ушбу камарни кенг оммага намойиш этди. Анъанавий яшил рангдаги камарда Тайсон ва Жонснинг суратлари акс этган. Шунингдек, Black Lives Matter ёзуви ҳам жойлаштирилган.

Эслатиб ўтамиз, Майк Тайсон — Рой Жонс жанги 28 ноябрь куни Калифорния штатида бўлиб ўтади.