18 июл 13:26
Янгиликлар

Бокс/ММА

WBSS: Миша Алоян саккизинчи иштирокчига айланди

Россиялик боксчи, Олимпиаданинг бронза медали совриндори, икки карра жаҳон чемпиони Михаил Алоян Бутунжаҳон бокс Суперсериясининг саккизинчи иштирокчисига айланди.

Шунингдек, ташкилотчилар айнан шу вазн тоифасида WBA (Super) чемпионлик камари соҳиби Райан Барнеттнинг иштирокини ҳам тасдиқлашди. Суперсериянинг иккинчи мавсумига қуръа ташлаш маросими 20 июль куни Москва шаҳрида бўлиб ўтади.

Бу билан Суперсериянинг иккинчи мавсум иштирокчилари сони саккиз нафарга етди: WBA (Super) чемпиони британиялик Райан Барнетт, WBO чемпиони Золани Тете, IBF камари соҳиби Эммануэль Родригес, ушбу камарга даъвогар Жейсон Молоуни, 4та вазнда собиқ жаҳон чемпиони Нонито Донэр, собиқ чемпионлардан яна бир Хуан Карлос Пайяно ҳамда Михаил Алоян.