Western & Southern Open. Медведев муваффақиятли старт олди

Россиялик теннисчи иккинчи даврада ATP рейтингида 18-ўринни эгаллаб турган италиялик Лоренцо Музеттини ортиқча қийинчиликсиз мағлубиятга учрата олди - 6/3, 6/2. Бу теннисчиларнинг ўзаро ўтказган иккинчи учрашуви эди. Ўтган ҳафта Торонтода ўтган илк учрашувда ҳам Медведевнинг қўли баланд келганди. 

Етмиш саккиз дақиқа давом этган баҳсда Медведев 3 та эйс, 4 та брейкни амалга ошириб, 4 та қўшхатога йўл қўйди. Даниил Western & Southern Open турнири 1/8 финалида германиялик Александр Зверевга қарши кортга чиқади. Олмон теннисчиси иккинчи босқичда япониялик Ёсихито Нисиокадан устун келди.