WTA Finals. "Биринчи"ни мағлуб этган иккинчи ракетка финалга чиқди

Мусобақанинг 1/2 финал учрашувида дунёнинг иккинчи ракеткаси бўлиб турган польшалик Ига Свёнтек беларуслик рейтинг пешқадами Арина Соболенкога қарши баҳс олиб борди. Тўқсон етти дақиқа давом этган учрашувда Свёнтек рақибасини ортиқча қийинчиликсиз мағлубиятга учратди - 6/3, 6/2. 

Польшалик теннис маликаси ўзаро учрашувлардаги ҳисобни ўз фойдасига йириклаштирди - 6:3. Свёнтек 2, Соболенко 3 та эйсни амалга оширди. Қўшхатолар Аринада кўпроқ бўлди - 4 га 1! Соболенко биронта ҳам брейкка эга бўлмади, Игада бу кўрсаткич 3 тани ташкил қилди. Энди Свёнтек WTA Finals бош соврини учун америкалик Жессика Пегулага қарши кортга чиқади.