WTA Finals. Жума ва шанбанинг уч учрашуви бугун давом эттирилади

Кеча ёмғир ёққанлиги сабабли дастурдан ўрин олган учта учрашув якунига етмай қолганди. Бугун ушбу матчлар тўхтатилган жойидан давом эттирилади. Жумладан, яккалик мусобақасининг иккинчи ярим финал учрашуви ҳам бугун якунига етказилади. Унда дунёнинг биринчи ва иккинчи ракеткалари - беларуслик Арина Соболенко ҳамда польшалик Ига Свёнтек ўзаро муносабатларига ойдинлик киритишади. Кечаги баҳс биринчи сетда 1/2 ҳисобида Ига фойдасига ҳал бўлаётганди. Бугун Арина тўртинчи геймнинг 30:30 ҳисоби кўринишида учрашувни бошлаб беради. 

Шунингдек, жума кунидан қолдирилган жуфтликлар ўртасидаги учрашув ҳам бугун давом эттирилади. Лаура Зигемунд ва Вера Звонарёва ҳамкорлиги америкаликлар Кори Гофф ҳамда Жессика Пегула тандемига ҳозирча ютқазишяпти (3/6, 1/1, 40:30). Габриэла Дабровски/Эрин Рутлиф ва Николь Меликар/Эллен Перес 1/2 финал учрашуви ҳам бугун ўтказилади.