02 ноя 13:20
Янгиликлар

Теннис

WTA Finals. Онс Жабер чехиялик рақибасидан устун келди

Мексиканинг Канкун шаҳрида теннис бўйича аёллар ўртасидаги WTA Якуний турнири давом этмоқда.

"Четумаль" гуруҳининг иккинчи учрашувида дунёнинг олтинчи ва еттинчи ракеткалари - чехиялик Маркета Вондроушова ҳамда тунислик Онс Жабер ўзаро тўқнаш келишди. Тўқсон дақиқа давом этган баҳсда Жабер рақибасини 6/4, 6/3 ҳисобларида мағлубиятга учратди.

Теннисчиларнинг ўзаро учрашувларидаги ҳисоб мувозанати тикланди - 4:4. Статистикага эътибор қаратсак, Жабер 1, Вондроушова 4 та эйс зарбасини ижро этган. Қўшхатолар Маркетага қимматга тушди - 11 га 2. Брейклар Жаберда тенг баробарига кўпроқ бўлди - 6 га 3!