WTA рейтинги. Нигина Абдураимова 53 поғона қуйига "шўнғиди", Влада кўтарилди

Янгиланган рейтингда ҳамон беларуслик Арина Соболенко пешқадамлик қиляпти. Бу йил ҳам Австралия Очиқ чемпионати финалига етиб келган Арина бош соврин учун кечган учрашувда америкалик Мэдисон Кизга имкониятни бой бериб қўйганди. Киз ушбу ғалабаси эвазига 14-поғонадан 7-ўринга кўтарилиб олди. Польшалик Ига Свёнтек иккинчи, америкалик Кори Гофф учинчи ўринни банд этган. Қозоғистонлик Елена Рибакина икки поғонага юқорилаб, Топ-5`га кириб олди. 

Янгиланган рейтингда тўрт теннисчимиздан фақат бири кўтарилишга муваффақ бўлди. Иккинчи ракеткамиз Влада Якшибарова 7 поғонага юқорилаб, 920-ўринни эгаллаб турибди. Мамлакатимизнинг биринчи ракеткаси Нигина Абдураимова эса оз эмас, кўп эмас, 52 поғонага пастлаб, 536-ўринга тушиб кетди. У 19 очко йўқотди. Милана Масленкова ва Сабрина Олимжонова бир хилда 6 поғонага пастлашди. 

WTA рейтинги. 27 январь кунги ҳолат:

1 (1). Арина Соболенко (Беларусь) — 8956 очко.

2 (2). Ига Швёнтек (Польша) — 8770.

3 (3). Кори Гауфф (АҚШ) — 6538.

4 (4). Жасмин Паолини (Италия) — 5289.

5 (7). Елена Рибакина (Қозоғистон) — 4893.

6 (6). Жессика Пегула (АҚШ) — 4861.

7 (14). Мэдисон Киз (АҚШ) — 4680.

8 (5). Чжэн Циньвэнь (Хитой) — 4095.

9 (8). Эмма Наварро (АҚШ) — 3709.

10 (12). Паула Бадоса (Испания) — 3608.

Ўзбекистонлик теннисчиларнинг WTA рейтингидаги ўрни:

536 (484). Нигина Абдураимова – 88

920 (927). Влада Якшибарова – 24

1376 (1370). Милана Масленкова – 4

1376 (1370). Сабрина Олимжонова – 4