WTA рейтинги. Нигина яна сезиларли тарзда пастлади, келаси ҳафта биринчи ракеткамиз ўзгарса керак

Янгиланган рейтингда ҳамон беларуслик Арина Соболенко деярли икки баробар фарқ билан пешқадамликни давом эттирмоқда. Польшалик Ига Свёнтек иккинчи поғонадан жой олган. Америкалик теннис маликалари Жессика Пегула ва Коко Гофф ўзаро ўрин алмашиб олишди. Гофф яна дунёнинг учинчи ракеткаси бўлиб олди. 

Янгиланган рейтингда тўрт теннисчимиздан уч нафари пастлади. Мамлакатимизнинг биринчи ракеткаси Нигина Абдураимова яна 65 поғонага пастлаб, 890-ўринга тушиб кетди. У яна 6 очко йўқотди. Теннисчиларимиздан биргина Влада Якшибарова бир ўринга юқорилади. Катта эҳтимол билан у келаси ҳафта Ўзбекистоннинг биринчи ракеткасига айланиб олади. Сабрина Олимжонова ўтган ҳафта билан таққослаганда 29, Милана Масленкова эса 6 поғона қуйига шўнғиди.

WTA рейтинги. 5 май кунги ҳолат:

1 (1). Арина Соболенко (Беларусь) - 11 118 очко.

2 (2). Ига Свёнтек (Польша) - 6773.

3 (4). Коко Гофф (АҚШ) - 6603.

4 (3). Жессика Пегула (АҚШ) - 6243.

5 (6). Жасмине Паолини (Италия) - 4875.

6 (5). Мэдисон Киз (АҚШ) - 4824.

7 (7). Мирра Андреева (Россия) - 4781.

8 (8). Чжэн Циньвэнь (Хитой) - 4193.

9 (10). Эмма Наварро (АҚШ) - 3797.

10 (9). Паула Бадоса (Испания) - 3761.

Ўзбекистонлик теннисчиларнинг WTA рейтингидаги ўрни:

890 (825). Нигина Абдураимова – 26 (-6)

907 (908). Влада Якшибарова – 25

1356 (1350). Милана Масленкова – 5

1402 (1373). Сабрина Олимжонова – 3 (-1)