WTA рейтинги. Теннис маликаларимизнинг бари кўтарилди, Топ-10`да ўзгаришлар

Янгиланган рейтингда ҳамон катта фарқ билан беларуслик Арина Соболенко пешқадамлик қиляпти. Польшалик Ига Свёнтек иккинчи, Якуний WTA турнири ғолибаси америкалик Кори Гофф учинчи ўринни банд этган. Топ-10 рейтингида бир нечта ўзгаришлар кузатилди. Америкалик Жессика Пегула ва қозоғистонлик Елена Рибакина ўзаро ўрин алмашиб олишди. Чехиялик Барбора Крейчикова эса россиялик Дарья Касаткина билан ўрин алмашди. 

Жессика Пегула Аделаидадаги WTA турнирида финалга қадар етиб борганди. Рейтингда пастлаган Дарья Касаткина ушбу турнирнинг 1/4 финалида ютқазганди. Хобарт турнири чемпиони Маккартни Кесслер Топ-50`таликда дебют қилди.

Қизиғи, янгиланган рейтингда тўрт теннисчимизнинг бари кўтарилишга муваффақ бўлди. Мамлакатимизнинг биринчи ракеткаси Нигина Абдураимова бир поғонага юқорилаб, 484-ўринни эгаллаб турибди. Влада Якшибарова 3, Милана Масленкова ва Сабрина Олимжонова 4 поғонага юқорилади. 

WTA рейтинги. 13 январь кунги ҳолат:

1. (1) Арина Соболенко (Беларусь) - 9656 очко

2. (2) Ига Свёнтек (Польша) - 8120

3. (3) Коко Гофф (АҚШ) - 6888

4. (4) Жасмине Паолини (Италия) - 5399

5. (5) Чжэн Циньвэнь (Хитой) - 5325

6. (7) Джессика Пегула (АҚШ) - 4801

7. (6) Елена Рибакина (Қозоғистон) - 4723

8. (8) Эмма Наварро (АҚШ) - 3409

9. (10) Барбора Крейчикова (Чехия) - 3213

10. (9) Дарья Касаткина (Россия) - 3151...

Ўзбекистонлик теннисчиларнинг WTA рейтингидаги ўрни:

484 (485). Нигина Абдураимова – 107

927 (930). Влада Якшибарова – 24

1370 (1374). Милана Масленкова – 4

1370 (1374). Сабрина Олимжонова – 4