"Хабиб бутун жамоасини етаклаб келди". Лобов Хабиб билан келишмовчилик бошлангани ҳақида гапирди

"Хабиб билан нима бўлди? Ўша пайтда у Конор билан яхши муомалада эди. Бирга суратга тушарди, дўст эди. Кейин эса менежерининг гапларига кириб трешток қилмоқчи бўлди. Конорни "товуқ" деб аташни бошлади.

Макгрегор менинг дўстим. У керак бўлса жароҳатлар билан жангларга чиқган, тузалмаган ҳолида ҳам жанг қилган. Хабиб эса соғ бўла туриб жангларни бекор қилган. Қандай қилиб у Конор ҳақида бундай дейиши мумкин?

Мен бунга чидаб туролмадим. Интервьюларимнинг бирида шу ҳақидаги саволга кескин жавоб қайтардим. Орадан анча вақт ўтди ва биз Хабиб билан Нью-Йоркдаги турнирда учрашиб қолдик. У мени олдимга келиб интервьюим ҳақида бир нарсалар дейишни бошлади. Мен унга агар сенинг дўстинг ҳақида ҳам шундай дейишса индамай турасанми дедим. Хабиб ортига ўгирилди ва кетди. Орадан бироз вақт ўтгандан сўнг Хабиб бутун жамоасини етаклаб келди. Шундан сўнг у қандай келган бўлса, шундай қайтиб кетди", -деди  Артем Лобов.