Хабиб Макгрегор - Мейвезер жангини келишилган деб атади

"Сўзсиз, бизнинг жангимиз жанг санъатлари тарихидаги энг йириги бўлди — ҳеч қайси жанг унга тенг кела олмайди. Ҳаттоки, Конорнинг Мейвезерга қарши ўтказган жанги ҳам. Ҳа, бу тарихий шоу эди, ММА чемпиони бокс чемпионига қарши! Аммо, бу жанг ҳеч кимни ташвишга солмади".

Нурмагомедовнинг фикрича, бу икки жангдаги асосий фарқ шуки — у Макгрегор билан ўтказган жанг ҳақиқий ҳалол жанг бўлган.

"Кўпчилик ҳаттоки жанг аслида қандай бўлганини эслай олмайди. Мисол учун, ҳакам қайси раундда жангни тўхтатди? Кўп одамлар буни эсламайди. Улар буни эслай олмайдилар ҳам. Сабаби, бу жанг эмас, спарринг эди. Шахсий фикримча, бу ҳақиқий жанг эмас эди, чунки, Макгрегор ҳақиқий боксчи эмас. Мейвезернинг жангдаги ҳаракатларига келадиган бўлсак, бу кўпроқ сохта, келишилган жангга ўхшар эди.

Бу менинг шахсий фикрим, балки, хато айтаётгандирман. Лекин бизнинг жангимиз 100% ҳақиқат эди. Жангдан олдин, жанг пайтида ва ундан кейин бўлган ҳамма-ҳаммаси ҳақиқатдан ҳам юз берган эди", — деб айтиб ўтган россиялик жангчи Full Send эшитттиришида.

Эслатиб ўтамиз, 2017 йил август ойида Конор Макгрегор профессионал боксда дебют қилган эди. Илк жангини Флойд Мейвезерга қарши ўтказган Макгрегор жангнинг ўнинчи раундида техник нокаут билан мағлуб бўлди. 2018 йил октябрь ойида эса ирландиялик жангчи Хабиб Нурмагомедовдан енгил вазн чемпионлиги камарини олишга уриниб кўрди. Жанг тўртинчи раундда Хабибнинг ғалабаси билан якунланади.