11 дек 17:33
Янгиликлар

Бокс/ММА

Хамзат Чимаев - Леон Эдвардс жангининг янги санаси эълон қилинди

Йил кашфиётига айланган швециялик Хамзат Чимаевнинг Леон Эдвардсга қарши жанги қолдирилган эди.

Бунга британиялик жангчининг коронавирусга топширган таҳлили ижобий чиққани сабаб бўлганди. UFC промоушени томонидан асли келиб чиқиши чеченистонлик бўлган Хамзатнинг янги жанг санасини эълон қилинди. Ушбу жанг 20 январь куни Абу-Дабидаги "Жанглар ороли"да ташкил этиладиган UFC Fight Night турнири доирасида ўтказилади. Бу маълумотни шахсан UFC президенти Дэна Уайт ҳам тасдиқлади.

Маълумот учун, 29 ёшли Леон Эдвардс 8 та жангдан бери мағлубият ва дуранг нималигини билмай келмоқда. Сўнгги жангида Рафаэль Дос Аньосни мағлубиятга учратган эди. 26 яшар Хамзат Чимаев эса икки ой ичида UFC октагонида 3 та жанг ўтказиб, уларнинг барчасини муддатидан аввал ўз фойдасига ҳал қилган.