08 ноя 10:12
Янгиликлар

Бокс/ММА

Харитонов Дубайда Британиянинг энг кучли кишисини нокаутга учратди

БААнинг Дубай шаҳрида аралаш яккакураш қоидалари бўйича навбатдаги турнир бўлиб ўтди.

PaRus Fight Championship MMA оқшомида россиялик оғир вазн тоифаси вакили Сергей Харитонов британиялик Оли Томпсонга қарши октагонга кўтарилди. Жанг биринчи раундда якунланди. Харитонов рақибини қўлда берган кучли ва аниқ зарбаси эвазига нокаутга учрата олди.

Британиялик стронгмен Оли Томпсон — "Буюк Британиянинг энг кучли кишиси" соврини соҳиби ҳисобланади. У UCMMA чемпиони бўлган, UFC, KSW ва Bellator промоушенларида иштирок этган. Бу унинг фаолиятидаги 13-мағлубияти бўлди.

Эслатиб ўтамиз, 40 ёшли Сергей Харитоновнинг бундан аввалги жанги 11 сентябрь куни профессионал бокс кечаси доирасида ўтказилган ва ўшанда у супероғир вазнда WBC камарига собиқ даъвогар Дэнни Уильямсни мағлуб этганди. Бу Сергейнинг боксдаги дебют жанги эди.