17 май 15:25
Янгиликлар
Бокс/ММА
Хасбик: "Эй, Топурия, сенга ростан ҳам камар керак бўлса, мен тайёрман"
Россиялик таниқли видеоблогер, UFC промоушени элчиси Хасбик номи билан машҳур Хасбулла Магомедов ярми чин, ярми ҳазил чиқиш қилди.
Хасбик ярименгил вазн тоифасида собиқ UFC чемпиони Илия Топурияни жангга чорлади. У Чарльз Оливейранинг ўрнини эгаллашга тайёрлигини айтди.
"Эй, Топурия, агар чиндан ҳам сен камарни хоҳлаётган бўлсанг, унда мен тайёрман. Дана Уайт, менга шартнома жўнат. Мен енгил вазн тоифасидаги чемпионлик камарини яна Доғистонга қайтаман", — дея ўзининг ижтимоий тармоқлардаги саҳифаларида хабар қолдирган Хасбик.
Эслатиб ўтамиз, Ислам Махачев вакант қолдирган енгил вазндаги UFC камари учун Топурия ва Оливейра ўзаро жанг қилишади. Ушбу тўқнашув 28 июнь куни АҚШнинг Лас-Вегас шаҳридаги "Т-Мобайл" арена мезбонлик қиладиган UFC 317 турнирининг асосий жанги бўлади.
Ҳавола :
Манба : championat.com
Фикрлар