22 июн 09:07
Янгиликлар

Бокс/ММА

Хейни 25 000 доллар жарима тўлайди

Нью-Йорк штати Спорт комиссияси енгил вазнда мутлақ жаҳон чемпиони Девин Хейнини 25 минг доллар жаримага тортди.

Америкалик боксчи украиналик Василий Ломаченкога қарши жанги олдидан ўтказилган тарози маросимида рақибини туртиб юборганди. Ушбу тадбир 20 май куни Нью-Йорк шаҳрида ташкил этилганди.

Эслатиб ўтамиз, Хейни бу жангда ҳакамларнинг баҳсли қарори билан ғалаба қозонганди. Ҳакамлар 116-112, 115-113, 115-113 ҳисобидаги ғалабани америкаликка тақдим этишганди.