13 дек 13:57
Янгиликлар
Бокс/ММА
Холланд бугунги ғалабадан сўнг: Чимаев жангга рози бўлса, бир ҳафтадан кейин уни бурдалаб ташлайман
UFC жангчиси Кевин Холланд UFC 256 даги ажойиб ғалабасидан сўнг ўз режалари билан ўртоқлашди.
Кевин кейинги ҳафта яна жанг ўтказишни хоҳлайди. Холланд Хамзат Чимаевни нишонга олган.
"Мен кейинги ҳафта ҳам жанг қилишни хоҳлайман. Ўйлашимча Хамзат Чимаев ҳозир ўзига рақиб кутмоқда. Мен у билан жанг қилишни хоҳлайман. Чимаев -77 ва -84 кг вазн тоифисида жанг қилади. Агар у -84 кг да жанг қилишга рози бўлса, мен уни бурдалаб ташлайман.
Хамзатга керагидан ортиқ баҳо бериб юборишяпти. Унинг учта жанги ҳам оддий рақибларга қарши бўлди. Умуман олганда Чимаев UFCда ҳали ҳақиқатдан ғолиб бўлгани йўқ", - деди Кевин Холланд.
Эслатиб ўтамиз, Кевин Холланд бугун UFC 256 доирасида Роналдо Соузани биринчи раунддаёқ нокаутга учратиб, 2020 йилдаги ўзининг 5-жангини ҳам ғалаба билан якунлади.
Ҳавола :
Манба : MMA Fighting
Фикрлар