Холмурод Нурматов: "Буни мағлубият демаган бўлардим, камида дуранг берилса бўларди"

"Бўлиб ўтган жангимиздан барчангизнинг хабарингиз бор. Кимдир ғалаба кутган бўлса, мағлубиятим билан хафа қилиб қўйган бўлсам, узр сўрайман. Албатта бу мағлубиятга биринчи навбатда ўзим сабабчиман. Қаердадир хато ва камчиликка йўл қўйганманки, мағлубиятга учрадик. Лекин бундай олиб қараганда, мен буни мағлубият демаган ҳам бўлардим. Камида дуранг берилганида яхши бўлар эди. Майли, буни муҳокама қилишга ҳаққимиз йўқ. Бўлиб ўтган ишга Алҳамдулиллаҳ, дейиш билан чекланамиз. Барчангизга қўллаб-қувватлаётганингиз учун каттакон раҳмат айтаман. Ин Ша Аллоҳ, шу Лиганинг камарини Ўзбекистонга олиб келишга ваъда бераман", дейди Нурматов.

Эслатиб ўтамиз, ҳамюртимиз 23 октябрь куни Дубайда бўлиб ўтган ACA 194 турнири доирасида россиялик Умалат Исраилов билан жанг қилиб, ҳакамларнинг якдил қарори билан имкониятни бой берганди.